1 Peter (eBook)

Rom Pennak, Asian Minor peng ah ralzam le khual um in a ummi Khrihfa hna sinah kuat mi Peter Cakhuat Pakhatnak hrilhfiah a si.  Caṭialtu nih Grik biakal ning hoih in Peter cakuat cu a leh. Grik Baibal le Lai Baibal Thiang cherhchan in ṭialmi hrilhfiah cauk a si.
Ralzam le ram thumnak cu kan chan Laimi lakah a lar. A lar bik hmanh a si lai. Pupa ram zaamtak in ram hnihnak, India, Malaysia, le Thailand ah har ngai in khuasak hnu ah vanram bantuk in i ruahchanmi ram thumnak ah Laimi tampi khua kan sa. Japan in USA, le Norway in Australia tiah vawlei kil li deng tiang kan i ṭhenthek dih. Vawlei ah ralzam le khual nun in kan nung. Nihin Laimi ca ah Peter Cakuat Pakhatnak hi sullam a ngei khun: Vawlei ah khual le ralzam a si mi zumtu hna nih nuncan in Pathian an sunparter khawhnak kong a chim. Vawlei harnak tang ah zumtu nun dawh in nun ding a cawnpiak hna. Khual le ralzam sinah ṭialmi cauk a si. Cucaah, kan chan Laimi ca ah Baibal cauk khat lawng thim siseh law, Peter Cakuat Pakhatnak hi ka thim hnga.