A Dammi Khrihfabu le Thlaraunun (eBook)

Khrihfabu le thlaraunun tiah biatlang ngan pahnih kan zoh. Hman ngai mi biafang an si; nain, kan i fiang set hna lo. “Khrihfabu” vun ti ah, zei hmanthlak dah na mitthlam ah a cuang? Zarhpi ni zing pumh maw? Darking tung ngeimi biakinn pi dah? Thiolozi nih mit hmuh lomi zunivasal Khrihfabu le mit hmuh mi local khrihfabu tiah zumtu phu hmanthlak pahnih a hman. Kan cauk chung ah zunivasal Khrihfabu cu K-ngan in le local khrihfabu cu k-hme in kan ṭial. Local khrihfabu cu bu min kan chimnak lawng ah K-ngan in kan ṭial. Khrihfabu kong ruah tikah hi hmanthlak pahnih hi ruah chih lengmang a hau. Kan cauk ah biapi in kan zohmi cu local khrihfabu le thlaraunun a si.

Kan cauk cu Biakam Thar chung caholh phun nga a huap: Thawngṭha, chanbia, Paul cakuat, zapi cakuat, le Biathlam an si. An phun nga ning in Khrihfabu le thlaraunun kong sa cannak danh ah kan hmanmi Efesa Khrih fabu he pehtlaihnak an ngei cio. HBA Conference 2019 ah ka chim mi nakin tam deuh a huap. Conference ah kan telh lomi khrihfabu chung thlaraunun zong 1 Timote cherhchan in kan zoh. Cun, Biathlam chung i Asia khrihfabu pasarih hna Jesuh nih khingthlai zohṭhannak a ngeihmi hna zong kan bet fawn.